¥حادث اسكان البحريه¥

*¥حادث اسكان البحريه¥*

كارثة السبت الموافق
٢١/٥/٢٧هـ
بداية الإجازه الصيفيه ..
١٤٢٦-١٤٢٧
مواصفات السياره
كامري ٢٠٠٥
اللون بحري
ــــــــــــــــــــــــــــــــــــــــ

سلام عليكم ورحمةالله وبركاته

هاذي القصه حقيقيه وواقعيه...
في أحد القواعد العسكريه......
في (أسكان البحريه)>>>

كان هناك شبان يتفاوتون في العمر أحدهم في مرحلة المتوسط ،والثانوي .
وكانوا دائمين الحركه ونشاط .
كانا عددهم لا يتجاوز شخصين
ومع الايام اصبح عددهم
{ عشرة } أشخاص.

1_سلطان
2_راكان و تركي أخوان
3_مصعب و معاذ أخوان
4_سعود و محمد أخوان
5_نظاد
6_فراس
7_خالد

وكان التعاون واجب بينهم وحل المشاكل سهل .
وكان كل الايام اوبعضها جالسين في الحاره لعب كوره

>كلام عام< مانحب شئ اسمه مصلحه...لان الاكثريه من السكن مصلحجيه ...
واستهبال ، وتنكيت ، طلبيات عشاء آخر الليول وأكثر واحد نذب عليه هو تركي مسكين ...
ولي عنده فلوس يعشي الباقي ألله يعينه..
ولعب كوره دوري-> (زبايل) علا كأس . عيال السكن اعجبوا من اللعبه فيها قواني =حركات=..
ودوران فلحاره آخر الليل ودوريات ورانا ورانا
يقولون ممنوع الخروج اخر الليل من بعد الساعه ١٢:٠٠ وحنى نسحب عليهم
وطلعات المخططات الجديده الي برا السكن حوله ونروح برج المملكه ندخل من تحت بسياره ونلبس العبايات يحسبونا عائلات...
كلما انقولهم بندخل يطردونا..
حيات حلوه...

نحب نقاوم السيارات ونأخذ أكبر عدد
من يسبق سيارات السكن ) والي يحبها هو فراس مصعب سعود بس ....

________
________

وكلما ندور في سكن نشوف عبدالله :هاذا عبدالله أخوياه تركوه وله تقريبا شهر قاعد بلحاله عند الكراسي الباصات ..

شافه سعود سأل مصعب.
وشفي عبدالله قاعد بلحاله
موا مع اخوياه..
قال مصعب انا أشوفه كل يوم
يقعد بلحاله!!!!!

راح البيت مصعب وسأل
معاذ أخوه---
معاذ أحد اصدقاء عبدالله السابقين ...
مصعب؛
ليش عبدالله قاعد بلحاله ؟
معاذ: تركوه أخوياه وورطوه مع أبوه قالوله فحط وهيضوه لين ماصدم بسياره وأبوه جلده وسحب منه السياره
علشان يروح مشي المدرسه (وزعلوا اخوياه) علشان ماصار ياخذهم من بيوتهم ويوديهم المدرسه...
يعني مصلحه!!!

وراح مصعب لسعود السالفه
بختصار ساحبين عليه...
وقام سعود يفكر في فينفسه ليش مايجي معنا في شله يوسع صدره ._. فكره.
وراح سعود لمصعب وشرايك يجي عبدالله معنا عند العيال...

وأفق مصعب وقال خلاص بقول للعيال...

سعود؛ خلنا نكلم عبدالله... وراح سعود ومصعب....كلمناه ووافق ...
هاذا الكلام الساعه 11الليل

درنا بلكامري ومعلين المسجل
وفلاه ودوران وماسكين الخط السريع في السكن و نرقص وحاطين @ سيدي @ غربي ... عبدالله مو متعود على الغربي وشغلنا(الفلشر)
في السياره والشارع فاضي ومادرينا انا الدوريه جايه من قدام شافنا مسرعين شغل السفتي وهو في شارع الايسر
علاطول رجعنا عبدالله البيت علشان الشرطه ماتمسكنا مع عبدالله من اول طلعه...
(دوريات السكن ماعندهاسالفه)
..بقوه..محد يقدر يسوي شي لنا لانهم خايفين من الرتبه حقة ابائنا...ههههه
أستانس عبدالله دخلناه
جو =اكشن= واهم شئ فرحنا عبدالله ولوشوي..
علمنا العيال قالوا تمام ... كل واحد من العيال قال انا بخليه الحارس حقي في المباراه وثاني قال انا اسرع منه وغيره وغير يغارووون منسمين...
يوم جت الساعه١٢:٠٠طلعنا بلكامري بنروح (الفلال) هاذي الفلال مجموعة بيوت متشابهه تقع جمب السكن ألي حنا فيه... راح معنا محمدوسعود وخالد ومعاذ
ومصعب وفراس بروح نتعشاء

...وكل دقيقه يسأل سعود لخالد أسأله صعبه جدا جدا !!!!؟
مثلاخآآلد أحلف ماقد مره...إلخ

(~~) (~_~) (^_~)(^ ، ^)

تعشينا ورجعنا السكن إلا إلا
أبو خالد... يبغا ولده خالد ...وابوه يدري انه معنا يدور ويدور(هل كامري) عشان تأخر عن البيت.....
حطيناه عند بيت فراس ونزلنا
معاه محمد..لانا محمد كان <يقدر><يقدر>خالد ويحترمه حطيناهم ورحنا...
وجاء أبوه وخذاه ويصارخ عليه في السياره وجلده في البيت وقاله لاتمشي معهم
ولا شفنا خالد بعداها

وكان فراس هارب من البيت ااساسا لأن أبوه حارمه من الطلعه من بدايت الإجازه ...
لأنا نسبته نازله...شوي...

->يوم صار من بكره وهي
آخر ليله

كان العيال مستانسين وضحك يعني فرح من اول ماشفت العيال كذا.. دق ابوسعود ؛ سعود ابيك تخلصلي شغله في.الــ؟؟؟......سعود طيب أبشر...سعود دق على العيال كلهم نايمين إلا فراس صاحي خذته
راح معاي .. هستره في الخط ...
جينا السكن ووديت فراس بيته يقول ابوي جاء.
شوي دقوا علي العيال قالوا تعال رحت وخذتهم
ركبنا بسيارت سعود وهي صني لقبها بــ(صني حووت) وركب..
سعود ومصعب وتركي وراكان
ودرنا ورحنا عند فراس وطلع
وهو فرحان مررره قال أبوي سمحلي اني أطلع وعطاني مفتاح( الكابرس )رجع سعود الصني وركبنا في الكابرس لان الصني صغيره...
وكان محمد متزاعل مع مصعب علشان مصعب علم سعود
ان محمد( يدخن )
مصعب موغلطان لان حذرمحمد ألف مره أنه يبطل وكل هاذا علشان{خالد} يدخن ودخن معاه
نقوله يامحمد اركب اركب قال لا لا لا
في مصعب في مصعب. قلناله بتقعد بلحالك عجل ها..

قال بروح عند خالد ...
قلنا لمحمد ياويلك من ابو خالد
قال انا اتصرف...

راح عند خالد أشتاق للهستره لان محمد وخالد إذا اجتمعوا بس يضحكون ماتفهملهم.
ورحنا ناخذ عبدالله لقيناه نفس المكان الي يقعد فيه بلحاله
..اول.. وركب عبدالله وكان الكابرس مظلل كاتم وحنا ندور في السكن ندور يوم رحنا البقاله
وقفنا شرطي وقال فك التظليله يافراس
قال" لا "قال ترا بنوديك القسم قلوا العيال قداآآم..
وقال الشرطي للعيال الراكبين في السياره يجون كلهم القسم قلنا ههه إي طيب..
مشينا وراه وحنا مهدين يوم بعدة شوي سيارت الشرطه نزلنا العيال عند مطبت مدخل فرع الجويه
وماراح مع فراس إلا سعود ...
وعبدالله كان بيروح يقول بروح معكم...
(بس فراس مايبغا يورطه) قاله لاتروح .
خصوصا أنه جديد معنا
في الشله..
ورحنا في القسم نزل فراس تكلم مع ؛ضابط خفر؛ ومافي فايده.. قال تفك يعني تفك
قال فراس بكلم ابوي ..
قال الظابط وشي اسم ابوك و رتبت ابوك
فراسالعميد حسن الشعلان).
كلم فراس ابوه وقاله يقول الظابط فك تظليل الكابرس
ههه قال ابو فراس يافراس فكها ( تواظع ابو فراس )
وفقوا التظليلا الي قدام ...
ويوم رجعوا فراس وسعود ضحكوا على فراس لأنه يقول مايمديهم يفكونه أبوي عميد.

رجعنا مصعب البيت علشان ياخذ (الكامري)
ورحنا ندور علا محمد ولقيناه مع خالد قلنا لخالد تعال
أركب معنا قال تبي
ابويطقني مره ثانيه
قال فراس سعود انزل عندهم ابروح
(اسلم علا اصدقاي ) ومنهم عبدالعزيز...
في راس الحاره
سعود؛ لاتتاخر
قعد سعود يوسولف مع خالد
وقاعد يقوله بطل الدخان
انت خليت محمد اخوي يدخن
ومحمد جمب خالد وهاوش
بلكلام سعود واخوه محمد
عن الدخان

(ووعد محمد إنه مايدخن ثاني)

علا جيت فراس
ألا أبوخالد يناديه وقال خالد
ههه مع السلآمه بروح..وراح
فراس سلم وجاء ...
وخذنا محمد وركب معنا بلغصب علاشان مصعب
((قال مصعب في السياره محمد انا آسف على ألي سويته انا ماابغا اضرك بشي ابي مصلحتك "وتسامحوا"))

وودا فراس السياره علشان بنركب مع مصعب في الكامري
<راكان أخوتركي> كان قاعد مع< نظاد >من يوم مانزلناهم في الحاره وهو قاعد مع نظاد .

قعدنا نستنا متى بيجي "مصعب"

>>>وجاء
" ركب فراس وسعود قدام
ومصعب يسوق
وتركي وعبدالله ومحمد
ركبوافي الكامري

نظاد قال لراكان أسحب عليهم زحمى وين تركب تعال أجلس معي..قال والله لركب
نظاد تعال قال مع السلامى
نظاد كيفك. ودخل نظاد البيت ماجا معنا علاشان ابوه قاله بنطلع سوا..
وركب معنا راكان وصار أربع ورآ
وثلاث قدام
وزحمى كانت
الساعه 11:42م
طلعنا من الجويه ولفينا يمين
بعدين مع "الحزام" الحزام هاذا هو شارع خط سريع يسمونه حزام من طوله.
معلين المسجل
على أخر شئ47 ومسرعين جانا أول
منعطف زلقت السياره شوي
وركدت وفرحانين.~~.
وبتلنا لين ديورنا عند بيت (قائد السكن)
\فراس كان قاعد بين سعود وبين طرف الباب/

وقال فراس لمصعب الحق راعي اللكزز < ألي قداامنا
قال مصعب طيب بس ليش
قال فراس هو ألي بلاغ علي من فتره من زمآآن

ودز مسرع مره وقال أبغا أشطفه أشطفه مصعب هوايته التشطيف...
الشارع كان خطين رايح وخطين جاي
ألمهم نكبسله‎‏ وحنى في السير الايسر وهوى في السير الايسر نكبس ونكبس وحنى مسرعين ١٧٠
وقال مصعب لنفسه أبروح من اليمين وراح >اللكزز< من اليمين
أستغربنا كلنا نبي نقول هد السرعه يامصعب مانقدر لأن صوت المسجل عالي مره.
ضرب مصعب فرامل وراح من
اليسار وضاغط الفرامل اللكزز
وراح>< يسار
علاطول
قال سعود في في نفسه
بنصدم في راعي > اللكزز <
وياويل مصعب من ابوه
إلا راحت جهت "الماصوره"
وقال سعود في نفسه
بنصدم في الماصوره وياويل مصعب من أبوه ،،،،
وقربنا من الماصوره أمتار قليله قال سعود لنفسه أييي بتجي صدما خفيفه من وجه السياره
وبس وبننزل من السياره ولاكأن صار شي ..ألله همى أثنين من الي ورى بينطون قدام.. وبس

شوي ....،،،،،،،.،،،،،،،.... صارت الكارثه وفجعه والضلام
الدامس وصمته ولا كلام

فقط نسمع صوت السكوت
لاصوراخ ، لانفس ، لاكلام ،لاتفكير ،لارعب لاخوف،لاحركه

فقط نرى ونحن >مستغربين<

أصتدمت السياره بلعامود اللمبه
ومن ثما اللافته ......وعلى القلبه الاولا وثانيه وثالثه راحت نحوا الشارع المعاكس ونحن نتفرج كأنانا نتابع

> فلم لامعناله<
وقال سعود في نفسه متى بتوقف السياره
تكسرى الزجاج بيسب مصعب اللذي صقع يده و رأسه بزجاج الأمامي وطار حوالي 11 قدم في الهوء ثم إلى البرآحه سقوطا إلي الأرض ثم فراس ورأه ولأخرين بعده في النهايا سعود
كلنا خرجنا والسياره تكسرةكأنها لعبه صغيره كل شئ تكسر ماعدا شئ واحد وهو
(( المسجل )) سليم ولاخدشى... وشغال
على الأجنبي£€£
بعدا وقوف السياره..

الكل في جهه عندما كنا في السياره كنا مع بعض والان
الكل في جهه
منثرين
تغيرة أشكالهم لاتعرف من هاذا وذاك.
وفجأه يقوم سعود من الغيبوبه التي لاأطالت اكثر من دقيقه واحده .
شاف سعود المنضر
قال(( ياله من حلم غريب))
شاف سعود ثوبه مبلل بدماء فحاول
النهوض من الحلم
حاول حاول

فتأكد أنهآآ حقيقه .........
فرأى إلى يمينه بأقدام مصعب كان وجه مصعب كله دم وفمه غرقان بدم مايتحرك بس يخرخر.
ويساره عبدالله وجه في الارض
ومن خلف السياره تركي كان تركي جالس جلسه شبه راكع! ومن حدود الشارع راكان.كان رأسه في النص مقصوص والمخ خرج والجهه الاخرى محمد ..محمد كان رأسه في النص مقصوص والمخ خرج وعلى طرف الشارع فراس .فراس رأسه من جهة العين اليسرا مكسوره كان ليس له جمجمه...!
الكل متفرق .....
لاحول ولاقوةإلا بالله .
مناظر لاتستطيع ان ترى بلعين ولا بلخيال ....
غبار توراب رواأح المكينه وراأح الزيوت المختلفه....
واكثرمن هاذا
ومن شدة ضغطة الفرامل حدث
حرقان في الشارع بيسبب الفرامل السياره.
سبحان الله.،.
وعندما مرة 4دقاإق أختفى الحرقان والجرات في الشارع
بيحيث الشرطه أنفت ان السائق ظغط الفرامل
سبحان الله
ونظرا سعود أخر نظرا لأحبابه
وقال كلهم ماتوا وفجأه داخ سعود من المناظر وقال وهوا يبكي (( يارب يارب أجع كل هاذا حلمى))

وحينا أستلقاء سعود في الجهه

الأخرآ ...تجمع الناس فوقه
راس سعود..
ويتكلمون بهدوء (هاذا سعود)
(هاذا سعود)(هاذا سعود)
أتا أحد أصدقاء سعود أسمه يزيد..
يزيد؛ سعود قوم قوم وش
صار.. وين العيال ..¡¡..

سعود: يزيد شفة الكامري
تتوقع ماماتوا ¿
يزيد؛ لالالالا مافيهم شي..بس قوم قوم.

سعود:تبيني أقوم كلهم ماتوا ماتوا.. ((يارب خذني معهم))
((يارب خذني معهم))
((يآرب خذني معهم))

جاء
وسعيد وثامر
عبدالرحمن وأخوه ...

أخذو سعود وركبوه في
السياره قالوا بنوديك
المستوصف
سعود بصوت عالي روح البيت

طيب طيب ويوم داخ في السياره سعود
ودوه المستوصف..
أنزلوه وذهبوا حتي لايقول البيت،،،.

دخل سعود للمستوصف حس في نفسه الموت تغيرت ملامح وجهه
راح لدورة المياه غسل وجهه مومصدق الي صار راح في مكان في المصتوصف مافيه احد قاعد ينتظر الموت طاح ماستحمل الضغط ولا يتحرك ثم قام وغسل وجهه لعله يتحسن.لانه ادرك الحقيقه
ولم يتحسن يحس بلتعب مع انا
قبل الحادث انشط بكثير.

سمع صوت الاسعاف
سعود؛ رحت لأتطمن على اخوي محمد واصدقائي ولقيت تركي في السرير يصارخ يصارخ وهوا نايم ويتألم ومصعب يوخرخر والباقي نيام ذهب سعود الناجي الوحيد ليبحث على أخوه ووجد أبوه حاظر قال ابوسعود
لسعود جاك شئ قلت لا قال اخوك معهم قال سعود | أيه |
( لاحول ولا قوة إلا بلله )

( لاحول ولا قوة إلا بلله )

______ _____
أبو سعود :وين أخوك محمد من بين هذول
ما يعرف سعود اخوه لان كلهم
ملطخين بالدم قال سعود هاذا __ محمد __ وأشر على عبدالله قال ابوسعود لا
في النهايه ..

عرف ابو سعود ولده لان الابو
يعرف ولده حتى لو تقطع فتات صغير...

ذهب سعود وابوه إلى موقع الحادث ووجدو محمد نفس مكانه لم يتحرك قال أبو سعود لسعود أكيد محمد توفى _!!!
توفى _!!!
"وتوفآآ وبعده توفآآ راكان""
ذهب ابوسعود لمحمد وودعه....
(راكان ألله يرحمه)

(محمد ألله يرحمه)

وعرف ابو مصعب انا ابنه بعد ان رأآه مصابا خرجت دمعة اسف بهاذا الابن ...

ذهب سعود إلى مستشفي العسكري ...
ليفحص على حالته كان في الستشفى بعد وصول الاسعاف
راى سعود؛
مصعب في المستسفى وهوا في حاله لايرثى لها إذ كان الاطباء يوجهون له ضربات الكهرباء ويقولهن بصوت عالي تنفس
تنفس ١٢٣ ____ تنفس
تنفس ١٢٣ ____ تنفس
تنفس ١٢٣ ____ تنفس حتى أفاق وكان ..‎ ‎ابومصعب دموعه على عيناه
يحزن الجميع

امافراس وتركي وعبدالله
نقلوهم إلى
( مستشفى الإيمان ) مباشره
ومن ثما إلى العنايه المركزه
كلهم أيصاباتهم في الراس وعامود الفقري...وتشوهات في الوجه واليد والعين...وغيرها...
سعود الناجي انكسرت يداه اليسرا اثرا تمسكه بطبلون السياره ولم يحس بكسره إلى بعد ٤ساعات من بلوغ الحادث ...

لاحول ولاقوة إلا بلله
بعد ان قعد في غيبوبه اسبوع
وبعدا اسبوع توفي ثالثهم
عبدالله

(عبدالله ألله يرحمه)

وبعد مرور يوم التفتت الانظار إلى سعود...

الذي اتهم بــــ>>>
تحميس السائق على السرعه..
تشجيع السائق على المراوغه.
اجبار الاصحاب على الركوب..

وكل المحاولات التي كانوا ان يلبسوه بيتهمه..بلكذب كانت فاشله فاشله...

حتى انفت الشرطه على برائت سعود
واتهام مصعب صاحب السياره بعد ان اخرجوه من المستشفى وهوا في حاله يرثالها في السجن السجن...
وتحميله ديه وقدرها===
# ثلاث مائه وستين ألف #
ريال سعودي

هاذا لانه لم يقصد ...

وإن كان يقصد فيكون الحال
قصآآص

_________________
تركي قعد في
الغيبوبه شهرين
وبعد مرور شهرين بعد الغيبوبه خرج تركي من المستشفى فاقد الذاكرلا يفكر ولا يتكلم ومع مرور الايام رجعت الذاكره والكلام ولاكن لايذكر الحادث نهائيا حتى هاذا اليوم ..
فراس باقي في المستشفى حوالي ١٠شهور من تاريخ الحادث وقعد في
غيبوبه اربع شهور.
ولم يعرف الاطباء مصيره لأنا حالته متدهوره جدا جدا..

الله يشفيك يافراس

سعود آه ياسعود مازال حي ويعاني آلام الذكريات الصعبه
وحالات تذكر الاشياء كلمامرمن شارع الحادث بكاء..وتعب..وهم..

لن ننسى هائولاء الاصحاب
نعتبر منهم ..

وحاليا تركي يدرس الاول ثانوي في مدارس الابناء

وحاليا مصعب يدرس في سجن الاحداث ثاني ثانوي

وحاليا سعود يدرس ثالث ثانوي في مدارس الامجاد

"سبحان الله" كانوا مع بعض
وتفرقوا مع بعض

>> وفي النهايه <<

ادعوا بصالح الاعمال والرحمه لمن مات وادعوا بالصلاح والصبرلسعود وتركي ومصعب

هذه القصه حقيقيه وليست من
نسج الخيال

أرجوا من الاخوان والاخوات
عدم العبث بالقصه الواقعيه

كتبت في.....

19-4-1428 هــ

---___---___---

لا حول ولا قوة الا بالله

[b]

الله يرحم الجميع اتوق ان هذي السالفة قدية

» موقع اسكان طريق الخرج
» مشاهير كانو في اسكان القوات البحرية
» شخص في حادث ماذا قال ؟؟؟؟؟؟؟؟؟؟؟؟؟؟؟؟؟؟؟؟
» :: تغطية المهرجان الانشادي في اسكان البحرية ::((تغطية بالصور ))::
» وسائد هوائية تسمع صوت الارتطام عند وقوع حادث اصطدام للسيارة